Македонската пејачка Мина Блажев неодамна откри дека се свршила со својот партнер, а изминатиов викенд следуваше и прослава по повод веридбата.
Среќниот момент пејачката го одбележа во друштво на најблиските, а дел од атмосферата од прославата ја сподели и на социјалните мрежи.
За оваа пригода, Мина избра краток бел фустан, а на фотографиите позира насмеана и го покажува вереничкиот прстен.
Веста дека ќе стапи во брак Блажев ја сподели со јавноста на 13 септември. Тогаш за првпат објави фотографија од прстенот и откри дека му кажала „да“ на својот избраник.
Пејачката, сепак, приватниот живот го чува подалеку од јавноста и досега не го открила идентитетот на својот вереник.
Со најновите фотографии, Мина покажа дел од прославата со која парот го одбележа новото поглавје во нивната врска.
