Убав повод за радост и славење има во семејството на пејачката Маја Вукичевиќ, која со своите следбеници го сподели големиот успех на својот син Горазд.
Вукичевиќ на својот инстаграм-профил објави фотографии со синот, кој се стекнал со титулата магистер по професионално сметководство.
Гордата мајка сподели заеднички фотографии од свеченоста и од доделувањето на дипломите, а по повод неговиот успех му посвети и емотивна порака.
„Честитки, мој драг сине, за стекнувањето со титулата магистер по професионално сметководство!
Денес срцето ми е исполнето со гордост и среќа додека го славам твојот огромен успех. Да те гледам како растеш, напорно работиш и ги следиш своите соништа е една од најголемите радости во мојот живот.
Ти посакувам иднина исполнета со успех, среќа, љубов и бескрајни можности. Секогаш верувај во себе, следи го своето срце и никогаш не престанувај да се стремиш кон остварување на своите соништа.
Ова е само почеток на твоето прекрасно патување и знам дека најдоброто допрва доаѓа.
Неизмерно сум горда на тебе, сине мој! Те сакам до Месечината и назад!“, напиша Вукичевиќ.
По објавата следуваа бројни честитки и убави желби упатени до Горазд по повод неговиот професионален успех.
Меѓу оние што му честитаа беа и познати личности од македонската естрада, меѓу кои Маја Гроздановска-Панчева и Ребека.
