Македонската модна дизајнерка Љупка Митрова, која стои зад брендот „Митроф“, деновиве има убав семеен повод за славење – нејзината постара ќерка Елена го заврши средното образование.
Семејството присуствуваше на свеченото доделување на дипломите, а Митрова дел од емотивните моменти сподели со своите следбеници на социјалните мрежи.
Елена го заврши средното образование во СОУ „Јане Сандански“ во Струмица, а свеченоста беше одбележана во препознатлив матурски дух. Матурантите носеа тоги во впечатлива циклама боја и традиционални матурски капи, кои на крајот заеднички ги фрлија во воздух.
За важниот ден, Елена избра долг фустан во нежна розова нијанса, надополнет со жолто-златни чипкани детали. Елегантното издание беше соодветно за свечениот повод, а фотографиите од прославата ја доловија и семејната атмосфера.
На објавените фотографии се гледаат и заедничките моменти на Елена со нејзината сестра Сандра, како и со останатите членови на семејството и блиските пријатели кои беа дел од прославата.
