Манекенката Криси Тајген на својот Инстаграм профил објави селфи кое покажува како изгледа нејзиното тело неколку месеци по загубата на третото бебе.
Сопругата на музичарот Џон Леџенд на крајот на септември го изгуби бебето, во петтиот месец од бременоста.
Иако поминаа речиси три месеци, на фотографијата се гледа трудничко стомаче, додека таа позираше во тесен фустан.
„Ова сум јас и моето тело, токму денес. Иако повеќе не сум бремена, секој поглед во огледалото ме потсетува на тоа што можеше да биде. И не знам зошто се уште го имам ова стомаче, искрено. Фрустрирачки е!“, напиша манекенката под фотографијата, и додаде:
„Горда сум на тоа како цело ова патување му отвори на моето тело и мојот ум поинакви видици. Толку ја сакам бременоста и тажна сум што никогаш повеќе нема да бидат бремена, но имам среќа што ги имам двете неверојатни деца кои секој ден се трансформираат во мали луѓе“, заклучи Криси Тајген.
Да се потсетиме, Криси и Џон пред три месеци на социјалните мрежи споделија фотографии од болницата и открија дека го изгубиле бебето на кое му го дадоа името Џек.
