Македонската убавица Катарина Ивановска ја отвори летната сезона и ужива на море во друштво на својата петгодишна ќерка Кира, неколку од нејзините најблиски пријателки и нивните деца.
Манекенката сподели неколку фотографии од ова женско патување на својот инстаграм-профил. На нив може да се види како Ивановска чита книга, а ќерка ѝ се забавува на плажа со останатите деца и создава убави спомени.
Според многумина, малечката Кира многу наликува на мајка ѝ и едно е сигурно – нашата најуспешна манекенка дефинитивно ќе има своја наследничка.
Да потсетиме, Катарина Ивановска беше во повеќегодишна врска со партнерот Цобе, со кого доби две деца – синот Вања и ќерката Кира. Во моментов, таа е во љубов со Стефан Ханџиски, директорот на групацијата „АСУРА“.
Во интервју за „Слободен печат“, Ивановска проговори на тема родителство.
„Моите деца не се поинакви од нивните другарчиња. Немам потреба да сум нешто многу строга од проста причина, тие имаат толку многу активности и исполнето време со дружење, она што мене ми останува е многу љубов и одговарање на преку милион прашања дневно. Инаку, моите деца се смируваат веднаш штом и малку се налутам, којзнае колку страшно им изгледам (хахаха). Јас ретко стигнувам до моментот да сум строга, бидејќи сум малку здодевна мајка кога станува збор за вербалното објаснување на работите кои не се коректни во однесувањето“, изјави таа за „Слободен печат“.
