Каролина Гочева замина од Македонија и се огласи од далечна земја, со приказна на својот инстаграм-профил.
Поп-ѕвездата се јави од Јапонија, поточно од Токио, каде што веројатно е замината на одмор со својот сопруг, уметникот Михаил Корубин. Каролина потоа сподели видео од уште неколку интересни места кои ги истражува од Јапонија, со нивната специфична култура и традиција.
Неодамна, пејачката искрено раскажа за својата љубовна приказна со сопругот Михаил Корубин, со кого е во брак од 2017.
Каролина беше доста духовита во одговорите гостувајќи на една српска телевизија. Едно од прашањата на водителот Бошко Јаковљевиќ беше дали ѝ пречи што сопругот е помлад од неа.
– Во Холивуд се сите со помлади мажи. Тоа е тој светски тренд, а јас сакам да ги следам трендовите. Не, се шегувам. Едноставно, ќе се споиш со некоја личност, особено како возрасни луѓе. А, ние веќе бевме во триесеттите кога се запознавме – рече Каролина.
