Ела Дворник повторно е во центарот на вниманието откако со драстична промена на фризурата, враќање на шишките и долга кафеава коса, предизвика лавина реакции и воодушевување на социјалните мрежи.
Инфлуенсерката уште еднаш докажа дека кај неа промената на имиџот никогаш не поминува незабележано. Со новата фризура, долга коса со екстензии и густите шишки кои некогаш ѝ беа заштитен знак, таа ги воодушеви следбениците, но и бројни познати личности од регионалната јавна сцена.
View this post on Instagram
Ела, која е позната по честите и храбри промени на изгледот, овојпат се одлучи за комбинација што добро ја паметат нејзините долгогодишни фанови. Долгата коса и шишките ја вратија во периодот од пред околу 15 години, а самата вели дека одлуката била целосно спонтана.
Покрај фотографијата што ја објави на социјалните мрежи, таа откри што ја инспирирало за оваа промена:
„Си помислив, ќе порасне. А кој ме памети од пред 15 години, знае дека шишките ми беа заштитен знак долго време. И така, едно утро отидов на фризер и реков: ‘Скрати шишки, продолжи коса!’ Морам да кажам дека екстензиите и шишките сега одлично го заменуваат ботоксот и корекциите. Така што – шишки и екстензии против корекции!“, напиша Ела.
Реакциите не изостанаа. Во коментарите се редеа комплименти како „Брутално!“, „Вау, прекрасно ти стои“, „Оваа боја на коса ти е топ“ и „Најдобро издание досега“. Многумина се согласија дека на Ела ѝ стои секоја фризура.
Меѓу првите што реагираа беа и Северина и Соња Дворник, кои јавно ѝ дадоа поддршка и ја пофалија за новиот изглед.
