Двојката која ги разби гласините за романтичниот статус на билионерот по неговиот бурен развод сега ја возбудува интернет публиката со јавните појавувања. Но откако минатата недела беше забележан голем прстен на „оној специфичен прст“ на раката на Лорен се покренаа нови гласини – дали двојката наскоро ја очекува официјализирање на врската?! Сепак, Џеф и Лорен според фотографиите од папараците и јавните појавувања уживаат еден покрај друг.
Основачот на „Амазон“ присуствуваше на „LACMA Art + Film“ гала облечен во елегантен смокинг, а неговата гламурозна втора половина, воодушеви во блескав сребрен фустан со отвор во средината.
Милијардерот Џеф Безос во саботата вечер уживаше во ѕвездена свеченост во Лос Анџелес во друштво на својата партнерка Лорен Санчез.
Парот беше магнет за фоторепортерите, во ултраелегантно издание од глава допетици. Џеф ја држеше раката на половината на Лорен на свеченоста додека дамата уживаше во позирањето.
Сите погледи беа вперени во Лорен, копретседател на фондацијата Bezos Earth Fund.
Безос и Санчез се појавуваат во исти кругови со години, а се претпоставува дека се заедно од 2016 година кога започнале да поминуваат повеќе време заедно. Близината се интензивира кога Санчез се разделува од нејзиниот сопруг Патрик Бајтсел во 2018 година.
View this post on Instagram
Безос пак се разиде од неговата поранешна сопруга Мекензи Скот по 26 години брак, во развод кој доста бурно помина во јавноста а Мекензи дојде до билионерски суми. Оттогаш Безос се повлече од позицијата извршен директор на „Амазон“ и најави дека сака да патува во вселената. Беше и дел од екипажот на првиот цивилен лет во вселената на неговиот нов проект „Blue Origin“.
Двојката Безос-Санчез е јавно заедно од почетокот на 2019 година по распадот на бракот на Безос, за кој ширеа гласини дека токму аферата со Санчез е причината за разводот.
