Близнаците Стефан и Мартин Филиповски од „Некст тајм“ го прославија својот јубилеен 40. роденден, а по убавиот повод споделија дел од семејната атмосфера и со своите следбеници на социјалните мрежи.
Особено слатка била полноќната прослава во домот на Мартин. Неговата ќеркичка Лиана останала будна за заедно со татко ѝ да ги дувне роденденските свеќички.
На тортата, украсена специјално за јубилејот, пишувало: „Среќен 40-ти роденден, тато“.
View this post on Instagram
Фотографии од прославата објавија и Мартин и неговата сопруга Андреа, а на нив се гледаат семејните моменти со малата Лиана. Дел од роденденот Мартин го поминал и со својата мајка Сузана.
Андреа сподели и симпатично видео од Лиана, која срамежливо му пее роденденска песна на својот чичко Стефан.
По повод заедничкиот роденден, Стефан и Мартин им се обратија на своите следбеници со порака во која се осврнаа на семејството, музиката и публиката што ги следи низ годините.
„Денеска го славиме нашиот 40-ти роденден.
Се чувствуваме благословени што имаме можност да го живееме животот онака како што сакаме – здрави, живи и опкружени со семејство кое секогаш нè поддржува, како и со публика која секојдневно ни дава шанса да уживаме во нашата работа и пасија, а тоа е музиката.
Би посакале сите да бидеме здрави, живи и среќни, да го цениме и уживаме во она што ни го нуди животот.
Ви благодариме што сте дел од нашата приказна!“, напишаа браќата од „Некст тајм“.
Честитки за нивниот јубилеј пристигнаа и од бројни пријатели и обожаватели, а браќата не ја пропуштија можноста роденденот да си го честитаат и меѓусебно.
