Хрватската пејачка Алка Вуица неодамна стана баба, а на социјалните мрежи се пофали со фотографии со својот внук Иван Лав Нарон, кој наполни два месеци.
Вуица објави серија фотографии на кои го храни својот внук, а на кои се гледаат и нејзиниот син Аријан и неговата сопруга Дора Шитум.
„На денешен ден пред два месеци, со Божји благослов, мојот прв внук Лав Иван Нарон дојде на овој свет“, напиша Алка.
View this post on Instagram
Таа додаде дека малиот донел благослов, мир и среќа во нивното уметничко семејство.
„Те сакаме до небото и те заштитуваме со сета наша сила“, рече пејачката, додавајќи: „Твојата баба Алкони те сака“.
Да потсетиме дека мајката на момчето – уметницата Дора Шитум – претходно го откри значењето на неговото име.
„Се вика Лав, а средното име му е Нарон, по градот Нарона, или денешен Вид во близина на Метковиќ. Дедото на Аријан е од Метковиќ. Ни беше важно името да биде различно и посебно, а сепак да има традиционална врска со нашето семејство“, продолжи таа.
Потоа објасни зошто Лав: „Симболот на крилестиот лав на Свети Марко е честа појава во нашата Далмација, па затоа нашиот Лав е вистински лав од Нарона.“
Во интервјуа за хрватските медиуми, Алка претходно откри дека била вклучена во изборот на името на бебето, иако конечната одлука им ја препуштила на родителите.
