Инфлуенсерката од Мостар, Маријана Јуриќ, привлече големо внимание на социјалните мрежи откако објави фотографии со кои им даде поддршка на фудбалските репрезентации на Босна и Херцеговина и Хрватска.
Таа позираше во впечатлив фустан инспириран од знамињата на двете соседни земји, а со објавата испрати јасна порака за љубовта кон фудбалот.
„Еден фустан, две нации, иста страст кон фудбалот“, напиша Јуриќ покрај фотографиите.
На својата приказна на Инстаграм се пофали и дека следбениците ја нарекле „прекрасната Мостарка“.
Нејзината објава за кратко време собра илјадници лајкови и бројни позитивни коментари. Следбениците ја пофалија креативноста и симболиката на модната комбинација, оставајќи пораки како „Одлично“, „Секоја чест“ и „Кралица“.
Маријана и претходно покажуваше интерес за спортските настани, но токму овој спој на модата и фудбалското навивање предизвика најголемо внимание кај публиката.
Јуриќ е инфлуенсерка и креаторка на содржини од Мостар, која на социјалните мрежи се прослави со објави поврзани со модата, лајфстајл содржини и поддршка на спортски настани. На Инстаграм ја следат десетици илјади луѓе, а редовно споделува фотографии и видеа од својот живот и различни ангажмани.
Поради својот стил и присуството на социјалните мрежи, регионалните медиуми често ја нарекуваат „мостарската Кардашијанка“, додека таа истакнува дека платформите ги користи за споделување креативни и модни идеи.
