Баба ми велеше: „Бог нè учи преку искуство“. Патувањето во Индија и искусувањето на боите, луѓето и природната убавина разбуди ново разбирање за мене, за мојата уметност и за вистините на светот -рече Вил Смит на својот престој во Индија.
Ова Смит го изјави на своето последно патување во Индија, пред да се случи новото – по скандалот со Оскарите и тензичната врска со жена му за која се шпекулира дека се на чекор од развод.
View this post on Instagram
Вил Смит има направено ваков тип на патување и претходно: во 2018 година, кога реши да лета на Исток за да присуствува на хинду ритуалите и, во 2020 година, кога, овој пат со целото семејство, реши да помине време со духовниот водач Садгуру.
Актерот коментираше: „Садгуру е во градот. Го следам некое време. Тој има напишано прекрасна книга наречена Внатрешно инженерство. Сакам моето семејство да запознае духовни луѓе, да започне да комуницира со луѓе кои не се фокусирани на материјалниот свет“.
На фотографиите кои ги објави локалниот магазин, на неговото последно патување, 53-годишникот се појавува насмеан и среќен. Но овојпат тој во Индија е САМ, без сопругата и семејството.
Ниедна изјава не стигна ниту од актерот ниту од неговата сопруга за неодамна објавените озборувања дека се на чекор до развод.
View this post on Instagram
