Пејачката Алина Паш од Украина нема да настапи на овогодинешната Евровизија. Во соопштението објавено за јавноста таа јасно ставила до знаење дека актуелната сага за нејзината посета на Крим во 2015 година станала премногу тешка за неа.
„Не сакам повеќе да бидам дел од оваа валкана приказна“, рече таа само неколку часа откако беше откриено дека еден од членовите на нејзиниот тим фалсификувал патни документи за да изгледа дека таа легално патува во регионот.
View this post on Instagram
„Јас сум државјанин на Украина. Ги следам законите на Украина. Се обидувам да ги пренесам традициите и вредностите на Украина на светот. Она што е вградено во оваа приказна воопшто не е она што го ставам во мојата песна“, рекла пејачката.
„Јас сум уметник, а не политичар. Немам армија од ПР луѓе, менаџери, адвокати за да се спротивставиме на сите овие напади и притисоци, кражби на моите социјални мрежи, закани. И апсолутно неприфатливи зборови кои луѓето си ги дозволуваат без да ги разберат ситуацијата и заборавање на достоинството на секој граѓанин на Украина. Не ја сакам оваа виртуелна војна и омраза“, додаде таа.
View this post on Instagram
„Не сакам повеќе да бидам во оваа валкана приказна. Со тешко срце, за жал, ја повлекувам кандидатурата за претставник на Украина на Евровизија. Навистина ми е жал. Ќе контактираме со јавното радио и ќе ги потпишеме сите потребни документи. Посебно сакам да им се заблагодарам на сите кои ме поддржуваат и ми помагаат, кои ја слушаат мојата песна и важната порака и не ме озборуваат“, заклучила таа.
Украинската песна исто така е повлечена од обложувалниците, иако веднаш по објавувањето скокна на второто место.
View this post on Instagram
Да потсетиме, само четири дена по изборот на песна за Евровизија, Украинската национална телевизија UA: PBC го раскинала договорот со Алина за претставување на Евровизија. Имено, откриено било дека Алина пред седум години отпатувала на Крим, кој е под руска контрола од 2014 година. Истрагата е во тек.
View this post on Instagram
Веста за посетата на Крим дојде во време кога очите на целиот свет се насочени кон Украина поради можна руска инвазија.
