Откако на концертот на „Maroon 5“ во Лос Анџелес минатиот викенд, една обожавателка скокна на сцената и го прегрна пејачот среде настап, Адам Левин се огласи на својот инстаграм – профил.
Видеото на кое се гледа реакцијата на Левин на моментот кога една девојката ненадејно го прегрна на сцената, додека тој ја пееше „Sunday Morning“, стана вирално. Исто така, се гледа како обезбедувањето брзо и грубо ја извлекува жената од бината.
View this post on Instagram
Сепак, многумина се нафрлија со критики кон пејачот бидејќи се однесуваше како да е „над“ фановите, а сега Левин даде објаснување.
„Отсекогаш сум бил некој што ги сака, ги почитува, ги обожава нашите фанови. Без нив, немаме работа. Тоа го кажувам постојано. Мака ми е од самата помисла дека некој верува дека ги гледам фановите како луѓе кои се помалку вредни од нас. Едноставно тоа не сум јас.Никогаш не сум ни бил“, напиша пејачот
View this post on Instagram
Левин (42) продолжи: „Сакам само да знаете дека навистина се запрепастив, а понекогаш кога сте изненадени… морате да се ослободите од тоа и да продолжите понатаму. Затоа што ја вршев мојата работа на сцената. И на тоа сум горд, па морам да ви кажам дека моето срце е исполнето со врската што постои помеѓу бендот на сцената и фановите“, заклучи Левин, додавајќи:
View this post on Instagram
„Се надевам дека сите ќе разберете“, а потоа прати бакнеж во камерата.
