„Форбс“ ја објави листата на 100 најмоќни жени во светот, а на првото место се најде Мекензи Скот, поранешната сопруга на Џеф Безос. Во „трката“ беа и Камала Харис, Кристин Лагард и Мелинда Гејтс.
Во написот за најмоќната жена на светот, Меги Мекграт од „Форбс“ пишува дека Скот добила огромни средства по разводот со Безос, кои брзо почнала да ги дели во добротворни цели.
„Пред три години Мекензи Скот беше авторка, сопруга и мајка на четири деца, која основаше група за борба против злоуставување, а во 90-тите му помагаЛА на својот сопруг да го води „Амазон“. остана во сенка – но потоа се разведе од Џеф Безос, доби четвртина од неговиот удел во „Амазон“ и веднаш почна да планира кому да го подари сето тоа. „Имам непропорционална сума пари за споделување“, напиша таа во мај 2019 година кога го потпиша планот за донации, ветувајќи дека ќе донира барем половина од своето богатство во добротворни организации“, пишува Мекграт.
„Скот не само што почна да го исполнува кажаното, туку го правеше тоа со рекордна брзина и со целосна контрола врз тоа каде одат нејзините пари. За нешто повеќе од две години, Скот, вредна 57 милијарди долари, даде 8,6 милијарди долари на 780 организации кои вклучуваат родова еднаквост, расна правда и јавно здравје. Го направи тоа без канцеларија и поштенска адреса, а нема докази и дека има персонал со полно работно време, нема одбор на директори и, бидејќи не донира преку добротворна организација, нема ниту барања за известување“, наведува Мекграт.
