Животот на Јованка Броз, сопругата на Јосип Броз Тито, ќе биде тема на серијата „Јованка“, чие снимање започнува во септември. Серијата ќе се снима во Србија, Русија, Хрватска и Египет, а ќе има вкупно 12 епизоди.
Серијата ја подготвува продуцентската куќа „Адреналин“, а сценариото го напишала Милана Влаовиќ Ковачек, пренесува хрватскиот „Вечерњи лист“.
Изборот на актери ќе започне во септември.
Извршната продуцентка на серијата, Теа Королија, рекла дека серијата „Јованка“ ќе ја следи приказната за главната хероина од човечки аспект. Королија рекла дека Влаовиќ Ковачек со помош на неколку лица ја напишала првата верзија на сценариото. На изработката на конечната верзија, како што додала, ќе биде ангажиран англиски писател специјализиран за историски драми за познатите личности.
Серијата ќе биде работена во копродукција од повеќе земји, поради што би требало да се снима во Хрватска и Србија, но и во Русија и Египет. Кој ќе ги глуми Јованка и Тито, ќе се знае по пробните снимања, а актери ќе бараат во Словенија, Хрватска и во Србија.
Снимањето на серијата ќе започне во 2021 година, а предвидени се две сезони од по шест епизоди.
