Многу луѓе се вознемирени поради тоа што актерот Лук Пери не беше споменат на овогодинешното оддавање на почит на покојни актери, кои Академијата во својот „Ин Мемориам“ сегмент ги споменува за време на доделувањето на Оскарите.
Поради целото ова и бурните реакции на социјалните мрежи, Академијата излезе со соопштение и образложи зошто не го споменале актерот.
„Академијата прими неколку стотици барања од членовите на семејствата на починатите, но и од колеги од индустријата за во „Ин Меморијам“ сегментот да се стават имињата на нивни драги луѓе. Ексклузивниот одбор во кој има претставници од секоја гранка на индустријата врши избор врз основа на време кое Академијата ќе им го одобри. Сите пријави се поднесуваат на Oscars.com и остануваат на страницата во текот на целата година. На Лук Пери и Камерон Бојс им е оддадена почит во галеријата на страницата Oscars.com“, истакнуваат од Академијата во службеното писмо до јавноста.
Интересно е тоа што Лук Пери работеше и на овогодинешниот кандидат за Оскар за најдобар филм – „Once upon a time in Hollywood“.
Филмот доби номинации во 10 категории, а Бред Пит освои Оскар за најдобра споредна улога.
Од друга страна, Лук Пери се појави уште во неколку филмови по кои ќе го паметиме како „Buffy the vampire slayer“, „Love in Paradise“, „Alice upside down“ и други.
