Драган Маринковиќ Мацa, враќајќи се од уште една успешна турнеја, на аеродромот во Белград, иако уморен, разговараше со медиумите на различни теми. Запрашан каде му е поубавата половина, како и како успеваат да одржат складна врска покрај сите работни обврски и патувања, Мацa беше многу директен.
– Таа има свој животен тек, работи, создава… Апсолутно се согласувам со онаа изрека: „каква ти е жената, таков ти е животот“. Всушност, каков ти е партнерот, таков ти е животот воопшто. Ако имаш нормална личност покрај себе, тогаш си прекрасен, сè функционира. Мојата партнерка е совршена. Се трудиме да живееме совршен живот. Тој по својата суштина е всушност едноставен, но системите го комплицираат. Го живеам својот живот, не го загрозувам туѓиот, но, богами, не дозволувам ни другите да го живеат мојот. Будали има безброј во денешно време – изјави тој.
Потоа, како некој што е остварен на сите полиња, не ја сокри ни својата голема желба кога станува збор за семејството.
Тој, поточно, би сакал да добие и ќерка.
– Имам два златни сина и секој ден се молам на Бога да ме израдува со уште деца. Едвај чекам тој момент повторно, покрај море, да шетам со бебе во количка. Искрено, најмногу би сакал да добијам ќерка, да има кој да пази на мене кога ќе остарам – искрен беше тој за „Ало“.
