Првата објава на Џенифер Анистон (50) на Инстаграм, селфи со пријателите од популарната серија Пријатели, во средата ги воодушеви обожавателите, а фотографијата за помалку од еден ден собрала дест милиони лајкови, пренесуваат британсктие медиуми.
Селфито со Лиса Кудроу, Кортни Кокс, Мет Лебланк, Дејвид Швимер и Метју Пери, Анистон го објавила со информација дека актерската екипа неодамна се дружела во домот на Кортни.
„А сега сме и Инстаграм пријатели. Здраво Инстаграм“, напишала актерката.
Објавата привлекла толку големо внимание кај следачите со што повремено ја срушило страницата. Нејзиниот профил бил толку оптеретен што фановите во еден момент полуделе бидејќи не можеле да ја заследат ѕвездата.
50-годишната Џенифер Анистон сега влезе во Гинисовата книга на рекорди. Имено, покрај тоа што со својата прва фотографија собра зачудувачки речиси 12 милиони лајкови, ѕвездата на хит серијата „Пријатели“ успеа да се приклучи и на славниот светски список на рекорди.
Според официјалниот Instagram профил на Гинисовата книга на рекорди, Џенифер за најкусо време успеа да има милион следбеници. Имено, со првата фотографија со нејзините колеги од сетот на „Пријатели“, за само пет часа и 16 минути имаше милион пријатели на социјалната мрежа, а моментално има 12 милиони фанови.
