Босанската пејачка Џејла Рамовиќ привлече внимание на социјалните мрежи откако ја лајкна објавата на хрватскиот пејач Јаков Јозиновиќ, кој се огласи по бурните реакции за снимката на која ја изведува песната „Ако не знаш што је било“ од Марко Перковиќ Томпсон.
Јозиновиќ деновиве се најде на мета на критики откако видеото од неговата изведба се прошири на интернет. Снимката предизвика бројни реакции, особено во Србија, а дел од корисниците на социјалните мрежи побараа дури и забрана за неговите настапи во земјата.
По негативните реакции, хрватскиот пејач се огласи на својот профил на Инстаграм, објаснувајќи дека видеото е старо речиси две години. Во тоа време имал 19 години и штотуку ги правел првите чекори во музичката кариера, настапувајќи по кафулиња.
„Интересно е како една снимка од почетокот на мојата кариера токму денес станува повод за бројни толкувања и прозивки. Никогаш не размислував низ призмата на националноста, верата или бојата на кожата, ниту пеев за да навредам некого“, навел Јозиновиќ во своето обраќање.
Меѓу оние што реагирале на неговата објава била и Џејла Рамовиќ. Нејзиниот лајк не поминал незабележано, особено поради шпекулациите што во изминатите месеци ги поврзуваат двајцата пејачи и ги доведуваат во врска.
Сепак, самата реакција на социјалните мрежи не открива дали станува збор за лична поддршка или едноставно за реакција на неговото јавно објаснување.
Покрај Џејла, објавата на Јозиновиќ ја лајкнале и неколку познати личности од Србија, меѓу кои Дуња Јованиќ, Весна Ѓогани и Ема Рајдуко.
Видеото на кое Јозиновиќ ја изведува песната на Томпсон и понатаму предизвикува поделени реакции на интернет. Во коментарите се редат критики, а дел од корисниците повикуваат на забрана на неговите настапи во Србија.
Во меѓувреме, неговото објаснување за времето кога е направена снимката и за неговиот однос кон националноста и верата продолжува да привлекува внимание, додека реакциите на познатите личности дополнително ја разгоруваат дискусијата.
