Пред Анастасија Ражнатовиќ и нејзиниот сопруг, српскиот фудбалски репрезентативец Немања Гудељ, стои нов животен предизвик. Според шпанските и холандските медиуми, славниот клуб „Ајакс“ од Амстердам сериозно е заинтересиран за капитенот на „Севилја“, па брачниот пар веќе почнал да разгледува станови во холандската престолнина.
Името на 33-годишниот фудбалер е високо на листата на желби на холандскиот гигант. Во медиумите се споменува дека „Ајакс“ е подготвен да плати околу два милиони евра за неговиот трансфер, со оглед на тоа дека договорот со „Севилја“ му истекува во јуни 2026 година.
Дополнителен фактор е тоа што шпанскиот клуб има сериозни финансиски проблеми поради строгите ограничувања на платите во Ла Лига. Во моментов на „Севилја“ ѝ е дозволено да регистрира само 12 играчи за сезоната, што го прави евентуалниот трансфер уште пореален.
Според блиски извори, доколку трансферот се реализира, тоа би значело враќање на Гудељ во Холандија по осум години, бидејќи претходно играше за „НАК Бреда“, „АЗ Алкмар“ и токму за „Ајакс“, каде што настапи на 59 натпревари меѓу 2015 и 2017 година.
Со него, секако, ќе оди и неговата сопруга Анастасија, која е максимална поддршка во неговата кариера. Двајцата веќе разгледуваат недвижности во Амстердам, иако неодамна купија луксузна вила во Севилја, која ќе остане нивен дом во Шпанија.
– Немања доби одлична понуда, од оние што не се одбиваат. Со Анастасија разгледуваат каде би живееле и ништо не оставаат на случајност. Имаат голема поддршка од семејството, а Севилја засекогаш ќе остане нивно посебно место, покрај Требиње и Белград. Сега чекаат конечна одлука која наскоро ќе биде донесена – открива извор близок до парот.
