Во разговор за „Телеграф“, српската турбофолк ѕвезда Светлана Ражнатовиќ – Цеца ги сумираше впечатоците од 2023 години и ги сподели плановите за 2024 година.
„Годинава беше шаренолика. Имав многу успешни концерти, многу радост, среќа. Но, имав и дел каде што доживеав огромна тага и болка кога станува збор за Анастасија. Па, повторно добра вест, Богдана и Вељко го чекаат своето трето бебе, машко. Таа беше осцилирачка, шарена. Не можам да кажам дека беше грда, не можам да кажам дека беше и светла, но пак велам животот продолжува, гледаш нешто позитивно, убаво. Важно ми е да е добро“, призна таа.
Пејачката вели дека нејзиниот внук Жељко разбира дека наскоро ќе добие уште еден брат, а кон Крстан се однесува заштитнички.
„Се разбира, тој е многу паметно дете. Не дека е мое, ама така е. Ова е дете кое сака да учи, да апсорбира. Тој се радува на тоа. Не покажува дека не е среќен! (се смее) Жељко е многу приврзан и заштитнички настроен кон него, не дозволува никој да му пријде на Крстан“, изјави Цеца.
Кога станува збор за желбите за 2024 година…
„Тоа е долг список! (смеа) Не знам што прво да одлучам, бизнис, приватно, семејство, дали ќе одам на одмор… Мислам, можам да заборавам одмор – морам да направам албум! (се смее)“, сподели најголемата српска ѕвезда.
