Бритни Спирс била преплавена од емоции откако судот во Лос Анџелес конечно донесе одлука дека долгогодишниот старател, нејзиниот татко Џејми Спирс веќе нема да има контрола врз животот на ѕвездата.
Судијата Бренда Пени нареди Џејми Спирс да биде суспендиран од оваа позиција, со што Бритни конечно може да ужива во својата слобода.
„Сегашната ситуација не е одржлива“, рече судијата на сослушувањето и додаде дека таквиот аранжман создава „токсична средина“.
View this post on Instagram
„Бритни се расплака кога ја слушна одлуката на судијата. Долго време мислеше дека никогаш нема да го доживее денот кога ќе заврши доминантната контрола на нејзиниот татко врз секој аспект од нејзиниот живот, но тоа конечно се случи“, изјавил извор близок до пејачката за „Page Six“.
View this post on Instagram
„Таа е во шок и остана без текст, но буквално скокаше од радост. Таа не почувствувала таква радост цели 13 години“, додал изворот.
Да потсетиме, Бритни во почетокот на септември побара прекин на 13-годишното старателство. Метју Розенгарт, адвокатот на Бритни Спирс, побара расправа за целосно раскинување на договорот за старателство и истата да се одржи во рок од 30 до 45 дена.
View this post on Instagram
Тој, исто така, повика на истрага за однесувањето на Џејми Спирс за време на неговото старателство и го доведе во прашање неговото управување со имотот на Бритни Спирс.
