Брајан Адамс морал да го откаже својот настап во чест на приемот на Тина Тарнер во „Rock and Roll Hall of Fame“ поради позитивен тест на ковид-19, а Џон Бон Џови морал да го откаже концертот во Мајами Бич поради истите причини.
Организаторите на церемонијата за прием во „Rock and Roll Hall of Fame“ морале да најдат замена за 61-годишниот Брајан Адамс, кој бил позитивен на ковид-19 пред планираниот настан за Тина Тарнер.
Адамс се повлекол од церемонијата во последен момент откако добил позитивен тест, потврди неговиот претставник за „Variety“ и „Billboard“. Адамс требало да учествува во изведбата на серија песни со H.E.R., Кристина Агилера и Мајки Гајтон. Тој и пејачката H.E.R. планирале да ја обработат песната „It’s Only Love“, неговиот дует со Тина од 1985 година.
View this post on Instagram
Сите учесници на церемонијата „Rock and Roll Hall of Fame“ да покажат негативен тест за ковид-19, без оглед дали се вакцинирани или не. Адамс бил позитивен и бил принуден да го откаже својот настап и веднаш бил заменет од Кит Урбан.
Портпаролот на Адамс за „Variety“ и „Billboard“ потврдил дека канадскиот музичар бил целосно вакциниран против ковид-19 и дека немал никакви симптоми.
View this post on Instagram
Џон Бон Џови непосредно пред да настапи во Мајами Бич, Флорида, дознал дека е позитивен на тестот за ковид-19, а во изјавата на неговиот портпарол за „NBC News“ и „Variety“ се вели дека 59-годишниот музичар ги примил двете дози од вакцината и се чувствува добро.
View this post on Instagram
Рокерот требало да настапи на настанот наречен „Runaway With JBJ“ во хотелот „Loews South Beach“ и поради тоа направил брз тест за ковид-19, чиј резултат, за жал бил позитивен.
View this post on Instagram
Публиката веќе се собрала на местото на концертот кога било откриено дека Бон Џови е позитивен на коронавирусот, па на посетителите им било кажано дека пејачот нема да настапи но дека се чувствува „одлично“, додека членовите на бендот, кои биле негативни, останале на закажаната свирка.
