Пејачката Марија Шерифовиќ гостуваше во емисијата „На терапија“, каде откри како дознала дека музичарот Даниел Павловиќ ѝ е полубрат.
Како што истакна пејачката, не се сеќава на моментот кога дознала за Даниел, но знае дека тоа било многу директно.
„Не се сеќавам точно кој ми кажа дека имам полубрат, но мислам дека тоа беше Драгиња, мајката на Рајко. Ние во семејството никогаш не сме ги нашле најправилните и најбезболните начини да комуницираме на која било тема. Секогаш беше болно, директно и, според мене, тоа е праведно“, изјави таа за „Блиц“.
Таа истакна дека оттогаш му е заштитничка.
„Во тој момент, јас како постара сестра станав негов заштитник. Сите луѓе кои имаат некаква генетска врска со мене ја имаат и сета моја поддршка, сета моја сила, сите мои крилја.“
Инаку, Паваловиќ се појави и во некои други реални шоуа, каде покрај талентот за музика, покажа и дека е одличен имитатор. По професија е пијанист и има своја школа за пеење.
