Македонската блогерка Стефанија Несторовска, која стана популарна на социјалите мрежи со своите рецепти за здрава исхрана, ја сподели убавата вест дека повторно ќе стане мајка.
Таа и нејзиниот сопруг Стефан Алкалајлех станаа родители на ќерката Анастасија во март 2023 година, а сега нивното семејство ќе добие нов член.
Се чини дека Дубаи е значајна дестинација за оваа двојка. Да потсетиме, Стефан ѝ приреди романтично запросување на Стефанија во медитеранскиот ресторан „GÅL“ во Дубаи, во 2022 година, а сега сега инфлуенсерката сподели низа фотографии од истата локација и го покажа трудничкиот стомак.
„Здраво бебенце“, напиша Несторовска во описот на фотографиите, на кои позира во фустан со животински принт.
Несторовска доби голем број честитки на својот инстаграм-профил, а меѓу оние кои ѝ искоментираа се инфлуенсерката Александра Шијакоска, пејачката Зои Блаж и планинарката Ирина Камилоска.
