Поранешниот српски фудбалер Душко Тошиќ денеска слави роденден и полни 40 години.
По тој повод, на неговиот профил на Инстаграм се појави првата и засега единствена честитка од неговата помала ќерка Ника Тошиќ, која ја доби во бракот со српската музичка ѕвезда Јелена Карлеуша.
Ника му се обрати на својот татко со емотивна фотографија на која го гушка кога била мало девојче, пишувајќи накратко:
– Среќен роденден тато.
Душко веднаш ја сподели нејзината објава, покажувајќи кој му е приоритет во животот и дека му недостасува ќерката.
На фотографијата двајцата се гушкаат додека уживаат во ресторан, а неговата ќерка објавата ја сподели нешто по полноќ, што го направи и Душко.
Ника инаку е многу активна на социјалните мрежи, а нејзините објави се многу интересни. Харизматичната Ника е исклучително популарна на Инстаграм и ТикТок, а многумина ја советуваат да се занимава професионално бидејќи е вистински шоумен и некој кој одлично би се снашол во таа улога.
Инаку, Ника уште од мала покажува наклонетост кон својот татко, па кога била помала често објавувала моменти поминати со него како и шеги кои си ги правеле.
