Аца Лукас (50) раскинал со мисицата Јована Дорошки (25) и веднаш ја „смувал“ старлетата и манекенка Наташа Шавија, позната по тоа што излегла со Стивен Сегал, како и по врските со фудбалерите Тошиќ и Љаиќ, пишуваат српските медиуми.
Пејачот со Наташа се појавил на прославата по повод 25 години телевизија Пинк, а потоа заедно отишле во ноќен клуб.
„Цела вечер не се одвојуваа еден од друг, се смееја, си шепкаа, а Лукас ја држеше раката на нејзиното колено. Присутните се прашуваа дали се заедно, а тој повторуваше дека Шавија е негова „специјална другарка““, раскажал изворот.
Пејачот и старлетата се блиски веќе некое време, а Лукас неодамна го посетил бутикот кој старлетата го отворила во Нови Сад.
Дека Лукас и Дорошки раскинале доказ е и прославата што ја направил минатата недела по разводот со Соња Вуксановиќ.
„Одеднаш престана да се појавува со Јована на настани, а крајот на бракот го прослави со три другари во кафеана“, открил изворот.
На прашањето дали паднал на убавината на старлетата Наташа, Лукас останал таинствен.
„Што е тоа старлета? Колку што знам, девојката има бутик. Јас сум без обврски“, низ насмевка одговорил пејачот.
Instagram
