Пејачката Александра Пријовиќ денеска на приватна клиника во Белград стана мајка по втор пат. Таа се породи без никакви компликации, а и мајката и бебето се во одлична здравствена состојба.
Александра и нејзиниот сопруг, Филип Живојиновиќ, на новородената ќеркичка ѝ го дадоа името Арија. Ова е прва девојчица по повеќе години во семејството Живојиновиќ, па веста беше дочекана со особено воодушевување.
Синот Александар со нетрпение ја чека средбата со својата помала сестра, а блиските на семејството велат дека е пресреќен што конечно ќе има со кого да го дели детството.
Пријовиќ уште пред извесно време откри дека најголема желба ѝ е да добие ќерка и да го прошири семејството. Во јануари беше објавено дека е бремена, по што пејачката реши привремено да ја стави кариерата во втор план.
