Девојката на Кијану Ривс, Александра Грант, за британскиот магазин „Вог“, откри што се случувало во јавноста, кога таа и нејзиното момче, актерот Кијану Ривс, одлучиле да им соопштат на јавноста дека се заедно.
– Сите кои ги познавам ми се јавија, тоа ми беше фацсинантно – рече Грант.
Сепак, за разлика од многуте познати личности кои се во врска, Александра Грант вели дека никогаш не сакала да изгледа како Ким Кардашијан, за да може да се вклопи во светот на богатите, напротив, вели дека отсекогаш го „мразела“ тоа.
На прашањето за бракот, таа вели дека „го цени чувството на поврзаност“.
– Љубовта во секоја смисла е длабоко врзана за мојот идентитет. Изолацијата ми одговара кога сликам, но тоа не е решение. Длабоко го ценам чувството на поврзаност со некоја личност – додава Грант.
Парот заедно соработуваше на книгата на Кијану Ривс, „Ода на среќата“, со тоа што тие со години имаа близок контакт, за дури по некое време да стапат во врска.
