Сите сме слушнале дека после секс се препорачува уринирање за да го избегнете ризикот од инфекција. И каква врска има долната облека со тоа?
Ритуалот со работи кои „треба“ и „не треба“ да се прават после секс е специфичен и го штити и нашето физичко здравје и нашиот сексуален живот.
КАКО ПОЛЕСНО ДА ПОСТИГНЕТЕ ОРГАЗАМ: Секоја жена ја заслужува таа долга воздишка
Не облекувајте долна облека после секс
Ако не сакате да спиете голи, само облечете ноќница или широки памучни пижами. Не носете долна облека до утрото, во спротивно може да добиете инфекција. Спиењето без долна облека ѝ помага на вашата вагина да „дише“. Тоа го намалува ризикот од габична инфекција или чешање.
Отстранете ја влагата
Сексот по дефиниција е „неуреден“. Пот, лубриканти и вагинални течности – сето тоа може да ја остават вашата чувствителна област доста влажна. Користете крпа или тоалетна хартија за да го отстраните вишокот на влага. Имајте на ум дека бактериите се развиваат во влажни услови. Ако не ја отстраните влагата, се зголемуваат шансите за габична инфекција.
Влагата е нешто што сакаме да го избегнеме, особено кај жените кои се склони кон габични инфекции. Не мора силно да бришете. Со едноставен допир, вагината ќе ви се исуши. Доколку чувствувате потреба, можете прво да се измиете со чиста вода и сапун без мирис, а потоа да се избришете. Само не користете миризливи сапуни. Вагината, со своите природни течности, ќе се исчисти сама.
Уринирајте
Дури и ако вашиот мочен меур не е полн, обидете се да уринирате. Протокот на урина ќе помогне да се отстранат бактериите од уретрата. Инфекциите на уринарниот тракт „напаѓаат“ кога бактериите кои природно живеат во вагината или дебелото црево ненамерно се туркаат во уретрата за време на сексуалната активност.
ВНЕСЕТЕ КАРЕЗА ВО ВАШАТА СПАЛНА СОБА: Поврзете се со вашиот партнер и оживејте ја вашата врска
Обрнете внимание на вашата вагина
Не мора да користите лупа за да се прегледате. Само слушајте го вашето тело после секс. Доколку се појави каква било непријатност, чешање, болка или крварење, најдобро е да се консултирате со вашиот гинеколог. Во зависност од тоа колку долго траат симптомите или дали има причина за загриженост.
