Најголемата вертикална фарма во светот годишно ќе заштеди повеќе од 250 милиони литри вода и ќе произведува над милион килограми производи без пестициди.
Вертикалните градини се моќна алтернатива и решение за кризата со земјиштето, а и не се помалку функционални од традиционалните. Исто така, тие заштедуваат огромни количини вода.
Иако вертикалните градини не се новост, една привлече внимание бидејќи станува збор за најголемата вертикална зеленчукова градина во светот и може да произведе повеќе од 900.000 килограми зеленчук годишно.
Фармата „Бустаника“ е изградена во Дубаи, недалеку од меѓународниот аеродром Ал Мактум од страна на „Crop One Holdings“ во соработка со „Emirates Flight Cateringom“. Површината на фармата изнесува 30.658 квадратни метри.
Зеленчукот што ќе се одгледува ќе биде „целосно чист“ бидејќи ќе расте без пестициди и други хемикалии. Исто така, фармата ќе користи 95 отсто помалку вода во споредба со традиционалните градини, а ќе дава три тони производ дневно благодарение на употребата на вештачка интелигенција и компјутерската анализа на податоци.
Се користи затворен систем што овозможува водата да кружи низ растенијата за поефикасно да се искористува. Водата испарува за време на процесот на наводнување и се рециклира во системот, кој заштедува 250 милиони литри вода секоја година во споредба со традиционалните отворени градини со исто производство.
Зеленчукот ќе им се служи на патниците во авионите на авиокомпанијата Emirates, како и на другите авиокомпании кои соработуваат со Emirates Flight Cateringom. Ќе се продава и во околните продавници под брендот „Бустаника“.
Вертикалната фарма се планира да произведува повеќе од 1.000.000 килограми висококвалитетен лиснат зеленчук годишно, без потреба од земја и само мали количини на вода што се користи за земјоделските култури. Процесот е поеколошки од традиционално произведениот зеленчук.
Веќе во наредните денови на патниците на летовите на оваа компанија ќе им биде понудена зелена салата, рукола, мешана зелена салата и спанаќ, а наскоро овие производи би можеле да се најдат во продажба и во локалните супермаркети.
Вертикалното земјоделство е во пораст во Дубаи.
Претходно оваа година, Ritz-Carlton Dubai, покрај JBR, соработуваше со Green Container Advanced Farming (GCAF) за да постави вертикална фарма.
Radisson Blu Dubai Deira Creek, исто така, покажа посветеност на одржливост со модерна технологија и вертикални решенија за фарми.
