Принцезата Дијана, меѓу другото, беше и остана модна икона, а на нејзините комбинации на облека им се восхитуваат новите генерации кои го запознаваат ликот на принцезата благодарение на сериите и филмовите за нејзиниот живот. Стилот на Дијана, кој по разводот од принцот Чарлс стана многу поопуштен и понатаму е омилена тема на модните разговори и инспирација за многумина .
Ако ги прашате модните експерти, Дијана беше таа која прва ги поттикна некои од трендовите кои се актуелни до ден денес. Во продолжение погледнете ги седумте од нив, издвоени од „Vogue“.
Точки
Иако Дијана експериментирала со различни принтови, еден дезен особено ѝ се допаднал ѝ го носела цела година. Станува збор за точки од сите големини кои ги носела во разни пригоди, а љубовта кон овој дезен особено ја почитува војвотката од Кембриџ која и самата ги носи во разни пригоди.
View this post on Instagram
Панталони за забава (Party Pants)
За едно од снимањата на кралскиот портрет, Дијана носи розови панталони со дезен од гингам, кои денес би можеле да се наречат панталони за забава. Популарниот тренд се појави минатата година кога модната куќа „Миу Миу“ претстави речиси идентични модни панталони, а ги има и во колекцијата пролет/лето на „Гучи“.
View this post on Instagram
Јаки од секаков вид
Принцезата Дијана постојано експериментираше со гломазни јаки и немаше стил и облик што не го проба, а во последно време токму таквите јаки во големи димензии се моден тренд.
View this post on Instagram
Морнарски шик
Дијана сакаше морнарски детали и облека инспирирана од морнарицата, која ја носела во различни пригоди, а морнарскиот шик и денес е популарен тренд.
View this post on Instagram
Моќни сакоа
Смелите, впечатливи сакоа беа клучен дел од гардеробата на Дијана, особено за деловни состаноци, а во последните години моќните сакоа се неизбежен дел од многу гардероби.
View this post on Instagram
Спортски шик
Дури и кога одела во теретана, принцезата Дијана била олицетворение на стилот. Нејзините спортски комбинации и понатаму се извор на инспирација за дамите кои мислат дека одењето во теретана може да биде одлична можност за одлична комбинација.
View this post on Instagram
# Normcore
Принцезата Дијана обрнуваше внимание на кежуал, лежерни изданија долго пред да се појави движењето #normcore. Тоа е тренд на облека што се појави како резултат на модната презаситеност и модните трендови кои се менуваат се побрзо и побрзо. Поентата е дека луѓето кои го следат овој тренд не сакаат премногу да се разликуваат од другите во нивната облека. Иако беше член на кралското семејство, Дијана точно знаела како да се облекува лежерно.
View this post on Instagram
