Албанската модна дизајнерка со седиште во Лондон, Ненси Дојака, освои една од најпрестижните награди во модната индустрија, наградата „LVMH“ од 2021 година за нови таленти во модниот дизајн, на блескавата церемонија на доделување на наградите во Париз.
Француската актерка Изабел Хуперт го откри името на победникот во вторникот во присуство на членовите на жирито, вклучувајќи ги Ким Џонс од „Диор“, Вирџил Аблох од „Луј Витон“, Стела Макартни, Марк Џејкобс и уметничкиот директор на „Луеве“, Џонатан Андерсон.
View this post on Instagram
Дојака шокирана кога победи, рече дека е „воодушевена бидејќи имам визија за женственост што сакам да ја споделам со светот“
„Сакам женски тела … Мислам дека мојот мал црн фустан помина добро оваа година, бидејќи луѓето се возбудени да излегуваат и слават повторно. Сакаат да се чувствуваат секси и шик“, рече Дојака за „Њујорк Тајмс“.
View this post on Instagram
Дојака (28) е позната по тоа што ја прикажува женската природа преку слоеви на ткаенини од мрежа, кои ја отсликуваат кревкоста и силата на женското тело.
Дизајнерката беше меѓу деветте финалисти избрани од 1.900 кандидати и ќе добие 300,000 евра, како и една година менторство од професионалци.
