– Како што веќе најавивме, утре и во понеделник ќе имаме преодно стабилизирање на времето, додека наутро ќе биде МНОГУ СТУДЕНО и температурите понекаде ќе се спуштат до околу -10 степени, додека максималните ќе бележат тенденција на пораст и ќе се искачуваат во интервалот од 4 до 12 степени. Нов влаже и СТУДЕН воздушен бран нашата држава ќе ја зафати во вторник и истиот ќе услови нови врнежи од дожд и снег. Детална анализа околу ова следува овие денови- вели нашиот метео прогнозер Славчо Попоски.
И во Скопскиот регион утре и во понеделник се очекува преодно стабилизирање на времето, додека во вторник се очекуваат врнежи од дожд и од снег.
Наутро температурите ќе се спуштаат во интервалот од -7 до -2 степени, додека максималните ќе се искачуваат во интервалот од 4 до 7 степени.
