Чајдер Егру (23) во тинејџерските години го мразела своето тело поради „виснатите гради“. Сепак кога наполнила 19 години прифатила дека градите и се такви какви што се и се научила да се сака себе. Таа од тогаш престанала да носи градник…
Денеска води блог под наслов „Slumflower“ и шири пораки за самољубие и позитивен однос кон телото и тоа преку друштвената кампања #SaggyBoobsMatter.
Во превод: Води блог за „виснати гради“. Нејзината иницијатива крена прашина на социјалните мрежи, особено на Инстаграм и Твитер.
– Колку и да се гледа напредок, долг е патот да го смениме начинот на кој се зборува за женското тело – вели Егру, која добива бројни пораки од жени кои ја следат на социјалните мрежи и велат дека таа е нивната инспирација.
– Јас сум жена која ги преколнуваше своите гради, секогаш се срамев. Сепак, вие покажавте дека и тие можат да бидат секси и дека треба да ги прифатиме. Тоа мене многу ме охрабри – пишува во една од пораките.
– Се чуствував како да сум единствена девојка со „виснати гради“, па на интернет барав начин како тие да изгледаат помали. Толку ми е драго што некој јавно прозборе за тоа дека е нормално – напишала друга жена.
Егру од друга страна вели дека посебно и се драги пораките од мајките кои мораат да научат да си го сакаат телото после породувањето.
– Највозбудливо ми е кога ми пишуваат мајки кои дојат деца и дека слават поради тоа што го пронашле мојот блог, бидејќи им било срам поради изгледот на нивните гради – изјавила таа.
Сепак, не се сите коментари позитивни. Стигнале непријатни пораки од мажи и збунети жени. Егру вели дека коментарите се такви бидејќи луѓето не се навикнати да гледаат опуштени гради.
