– Денес времето во Македонија ќе биде сончево и МНОГУ ТОПЛО со мала локална облачност. Во попладневните и во вечерните часови локално ќе биде нестабилно, со пороен дожд, грмежи, засилен ветер а има услови и за локална појава на КРАТКОТРАЈНО НЕВРЕМЕ. Температурите ќе се искачуваат во интервалот од 30 до 38 степени. Во Скопје и околината времето ќе биде сончево и МНОГУ ТОПЛО со мала локална облачност. Попладне и навечер во делови од котлината има помали услови за краткотраен пороен дожд, грмежи и засилен ветер. Максималната температура ќе се искачи до околу 36 степени. Потоа и во следните денови времето во Македонија ќе се задржи МНОГУ ТОПЛО и сончево со мала локална облачност. Сепак во попладневните и во вечерните часови локално ќе биде нестабилно со пороен дожд, грмежи и засилен ветер. Ќе има услови и за локална појава на КРАТКОТРАЈНО НЕВРЕМЕ. Температурите ќе се искачуваат во интервалот од 31 до 38 степени, додека во најтоплите предели истите се очекува да се искачат и до 40 степени а Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа заштитувајте се. НАПОМЕНА: Во следниот период и тоа поради релативно високата влажност во воздухот, температурите ќе се чувствуваат како да се повисоки од релано измерените, вели метео прогнозерот Славчо Попоски.
Славчо Попоски: Температурите ќе се чувствуваат како да се повисоки од релано измерените
