– Под влијание на МНОГУ ТОПЛА воздушна маса од Африка, во следните денови времето во Македонија ќе биде МНОГУ ТОПЛО и сончево, со мала до умерена локална облачност. Ќе дува умерен до засилен ветер од северозападен правец. Во попладневните часови ќе има услови за локална појава на пороен дожд и грмежи. Поголеми услови за нестабилност, и на повеќе места ќе има утре, како и во четврток кога ќе има услови за појава на локално НЕВРЕМЕ. Што се однесува до температурите, тие во следните денови ќе се искачуваат во интервалот од 30 до 38 степени, додека во најтоплите предели температурите се очекува да се искачат до околу 40 степени. Пад на температурите за неколку степени се очекува само во петок. И во Скопскиот регион во следните неколку денови ќе има услови за попладневна локална нестабилност, а ќе има услови и за појава на КРАТКОТРАЈНО НЕВРЕМЕ во делови од котлината. Температурите ќе бидат МНОГУ ВИСОКИ и ќе се искачуваат во интервалот од 32 до 36 степени – вели метео прогнозерот Славчо Попоски.
Славчо Попоски најавува африканско време, претопол бран!
