Селена Гомез неодамна во интервју за NPR изјавила дека била „жртва на емоционално насилство“ за време на врската со Џастин Бибер.
„Се чувствував како врска на одреден вид на насилство за време на врската. Секако дека не сакам до крајот на животот да зборувам за ова, но истовремено сум многу горда на себе како се развивам и грациозно поминувам низ сето ова. Долго време молчев и сега најдов начин како да разговарам за тоа и како да го раскажам она за кое немав можност, па макар било и низ песна“, изјавила Селена.
Нејзината песна „Lose You To Love Me“ е посветена на Џастин.
„Се чувствував како да не добив фер крај на врската и тоа го прифатив, но знаев дека ми требаше начин да кажам некои работи што ги премолчев. Тоа не е песна полна со омраза, туку нешто што говори дека тоа беше убав период и никогаш нема да го одрекувам тоа. Но, беше и многу тешко и мило ми е што заврши“, открила пејачката.
Потсетуваме дека Селена и Џастин во 7-годишната врска прекинуваа неколку пати, но приказната конечно заврши во 2018 година, кога Џастин стапи во нова емотивна врска со манекенката Хејли Балдвин, со која минатата година се ожени.
