Поради тоа што тоа што го фрлате во одводот од мијалникот може да влијае на канализационата и водоводната инсталација во вашиот дом, тоа многу влијае и на животната средина…
Доколку не сакате да ја загрозите животната средина, и да си го затнете одводот, не дозволувајте овие работи да завршат во канализацискиот одвод од вашиот мијалник.
Маст, масло – со тек на време ќе се запуши цревото, тешко ќе ја отстраните од мијалникот, а една капка маснотија може да загади и до 5 литри чиста вода.
Лушпи од јајце – лушпата од јајце е тврда и тешко се разградува. Тие можат да направат пречки во цевките на кои ќе се задржуваат остатоци од храна, па доаѓа до запушување на одводот.
Талог од кафе – се зголемува ризикот од запушување на одводот, но и септичките јами. Талогот од кафе е одличен компост, па ви предлагаме да го фрлите во градината, а не во сливникот.
Храна која се зголемува кога ќе се натопи – тестенините или пак оризот двојно ќе пораснат, кога ќе се „напијат“ вода. Потоа ќе станат лепливи и ќе ги затнат одводите.
Брашно – кога ќе го измешате брашното и водата, добивате лепак кој ќе се залепи на одводот и нема шанси да го отпушите после ова.
Етикетите кои се наоѓаат на овошјето – додека ги миете јаболките, се случува етикетата да падне во одводот. Тоа избегнувајте го, бидејќи етикетите се направени така што не се разградуваат речиси воопшто.
Производи од хартија – тоалетната хартија е создадена за да се разградува во водата, но останатите производи не смеат да се фрлаат во одводот бидејќи не се разградуваат.
Лекови – лековите се сметаат за опасен медицински отпад и се разградуваат во водата, но ја загадуваат. Токму затоа никогаш не ги фрлајте во одводот.
Како да го исчистите одводот и да ја спречите миризбата од истите?
Секоја вечер, кога ќе ги измиете садовите, земете малку детергент за садови и со сунѓер исчистете го целиот мијалник. Пуштете чиста вода да тече низ сливникот.
Истурете малку сода бикарбона околу сливникот, потоа прелијте ја со 100 мг бел, алкохолен оцет и оставете 5 минути да делува, потоа пуштете врела вода да пројде низ сливникот.
