Првата церемонија на доделување на наградата Оскар е одржана на 16 мај далечната 1929 година во холивудскиот хотел „Рузвелт“, а домаќини на вечерта биле глумците Даглас Фербенкс и режисерот Вилијам де Мил.
Првиот најдобар филм што ја добил златната статуетка е филмот „Крилја“ (Wings) и е единствениот нем филм кој некогаш ја добил оваа престижна награда. Она што е интересно е фактот дека резултатите од првото доделување биле познати три месеци порано, а тој систем е сменет на следното доделување на Оскар во 1930 година.
Оттогаш резултатите биле објавувани во весниците во 23 часот вечерта пред церемонијата, што било пракса првите десетина години.
Потоа во 1940 година, „Лос Анџелес тајмс“ го објавил списокот на добитниците на самиот ден на доделувањето, што влијаело на промената на правилата во 1941 година, кога е воведен системот со запечатени пликоа.
Тоа била сосема мала, но неопходна промена која придонела за она денес толку познато чувство на неизвесност, нагодување и тајност, која ја следи церемонијата.
