Два слона за време на нивниот престој во Русија побегнале од гостувачкиот циркус и започнале да си играат во снегот.
45-годишната слоница Карла и 50-годишниот слон Рони вчера побегнале од циркузот додека на патот кон Санкт Петербуг поминувале во Екатеринбург, пишува „Индепендент“.
Воодушевените граѓани ги снимале како лутаат низ градот и се валкаат по снегот. На видео снимките може да се забележи како еден од слоновите поминува фрекфентна улица и тргнува кон станбена зграда. Притоа го игнорира човекот кој се обидува да го запре.
Карла и Рони патувале со семејството Тогни, една од најголемите италијански циркуски династии која и денес е активна.
– Ние многу ги сакаме нашите животни. Тие ни се како семејство. И тие го сакаат циркузот, но им станало здодевно и бидејќи сега немаше работа. Нашите животни ќе живеат и ќе умрат со нас, не би можеле сами да преживеат во дивината – рече еен од водителите во циркузот, Серген Бондарчук.
На крајот, слоновите се фатени и вратени во циркузот. За целата работа биле потребни десетина луѓе, меѓу нив и мештани, за да ги избуткаат слоновите во камион.
– Слоновите сакаа да имаат авантури пред долгото патување, и тоа го остварија – порачаа од циркузот.
