Некои раси на кучиња изгледаат како да се излезени од реклами за шампони. Нивното долго, густо и сјајно крзно ги прави препознатливи и популарни, но за нивната грижа и нега е потребно да се вложи многу време и воља. Порталот Apetit наброја 5 раси на кучиња со најубаво крзно, кои сите обожаваат да ги чешлаат.
Авганистански хрт
Оваа раса на кучиња имаат долго и густо влакно, кое во комбинација со грациозното држење оддава доем на кралско куче. Влакното на авганистанскиот хрт е карактеристично за животни кои живеат на висини. Овие кучиња е потребно редовно да се чешлаат и да им се кратат влакната поради исклучително долгото крзно.
Ласа Апсо
Овие кучиња исто така имаат долго и густо влакно. Крзното на овие кучиња треба да се четка секојдневно за да не се заплетка.
Бернско планинско куче
Овој вид на кучиња има долго влакно во три бои. Лесно се дресираат и е потребно да се води посебно внимание за нивната хигиена.
Брадест шкотски овчар
Овие кучиња се многу послушни и сакаат да си играат. Познати се по тоа што имаат два слоја на крзно кое е меко и виткано, па со такво влакно потребно е секојдневно чешлање.
Комондор
Оваа раса на кучиња често се споредува со џогер за чистење на подови поради долгото влакно кое му го прекрива целото лице. Нивното долго, исклучително густо и испреплетено влакно помага да се заштитат од предатори. После бањање, комондорите треба да се исушат со пешкир, а некогаш се потребни дури 2 до 3 дена за крзното да им се исуши како што треба. Овие кучиња изгледаат како да имаат суканици.
