Почетокот на есента изгледа ќе стави точка на трендот миди здолништа кои доминираа изминативе месеци. Модните експерти најавуваат дека во следната сезона ќе ги заменат макси моделите, но не оние кои први ви паѓаат на памет.
Се прогнозира дека здолништата со должина до глуждовите ќе бидат голем есенски тренд, а го најавиле колекциите на големите модни брендови.
На ред доаѓаат модерните и елегантни модели кои се позабележливи во свечените прилики, а сега ќе се носат секојдневно.
Се работи за долги здолништа од фини материјали, необични кроеви, помалку или повеќе разиграни.
Секако треба да знаете и да ги носите, а не во нив да изгледате како да сте тргнале на бал, а одите на работа или на журка покрај река.
Наједноставен начин е да ги комбинирате со предимензионирани сакоа и чизми на дневна варијанта, односно опуштени маици и елегантни штикли за вечерни прилики.
