Дали знаевте дека океаните покриваат дури 71% од површината на Земјата. Но, тоа секако не е единствената интересна работа за нив. Продолжете со читање доколку сакате да се запознаете со уште неколку интересни факти за океаните…
Сонцето на океаните им дава сина боја
Кога сончевите бранови должини ќе се сретнат со површината на океанот, портокаловата и црвената бранова должина се апсорбираат, додека сините бранови должини навлегуваат подлабоко, со што, колку е подлабоко, океанот изгледа повеќе син .
Најдлабокиот дел на океанот исто така е и најдлабокото место на Земјината кора
Тоа е Маријанскиот ров, кој се наоѓа во западниот дел на Тихиот океан во близина на островот Гвам. Тој е близу 11 километри длабок. Ако немате чувство колку навистина тоа изнесува, имајте на ум дека доколку Монт Еверест застане внатре, сè уште ќе биде 2 километри под површината на водата.
Се проценува дека има околу 20 тони злато во океаните
Ако размислувате да организирате експедиција за да го пронајдете, веднаш откажете се. Имено, тоа е толку ситно што е неупотребливо. На секој литар солена вода има само 13 милијардити грам злато!
Луѓето знаат повеќе за океаните отколку што мислат
Океанографите мапираа речиси 100% од океаните, иако не во најсјајна резолуција. Сепак, иако луѓето не го истражиле поголемиот дел од светските океани, со помош на технологијата имаме идеја како изгледаат под површината.
Сè уште не знаеме доволно за живиот свет во океаните
Нивната големина и притисокот на водата нè ограничуваат да ги истражиме подетално. Научниците веруваат дека досега сме се запознале само со една третина од растителните и животинските видови во океаните. Од друга страна, напредокот е видлив и во океаните секоја година се откриваат во просек 2.000 нови животински и растителни видови.
Најголемиот број на вулкански ерупции се случуваат под површината на океанот
Дури 80% од вулканските ерупции воопшто не се чувствуваат на површината на Земјата. Во океаните се пронајдени повеќе од милион вулкани, од кои некои се активни, а некои згаснати. Без оглед на топлината што ја создаваат кога ослободуваат лава, многу растителни и животински видови преживуваат во нивна близина.
Океаните ни овозможуваат да дишеме
Океаните произведуваат 70% од кислородот во атмосферата, пред се благодарение на морските растенија што го ослободуваат во процесот на фотосинтеза. Планктон од видот прохлорокок, е одговорен за една петтина од кислородот кој на луѓето им е потребен за живот.
Рибите во океаните јадат многу пластика
Дури 7 милиони тони пластика завршуваат во океаните за една година. Од тоа, меѓу 12 и 14 илјади тони ќе бидат проголтани од риби.
