Ако на Инстаграм ја заследите русинката Елена Перминова, ќе се запознаете со идеалниот живот што го живее. Има три прекрасни деца, бајковито секојдневие, луксузни недвижности, скапоцени автомобили и сопруг милијардер. Но минатото на Елена не било воопшто идеално.
Kако дете живеела во Сибир во голема сиромаштија, а потоа на 16 години го напуштила семејниот дом и нашла момче со кое за кратко време западнала во големи проблеми.
Ја фатиле како продава дрога во ноќен клуб, по што завршила во затвор. Дилерот кого Елена го предала и се заканувал со смрт, а во Русија не постои заштита на сведоци, па била осудена на 6 години затвор.
Токму тогаш започнува среќниот дел од нејзината приказна. Нејзиниот татко некако дошол до Александер Лебедев, поранешен член на КГБ и милијаредер. Лебедев тогаш како член на парламентот работел на донесување закон за заштита на сведоци.
Неколку години подоцна, меѓу Елена и 27 години постариот милијардер се родила љубов, а оттогаш таа го нарекува нејзин ангел чувар.
Елена е денес стилска икона и може да се види скоро на секоја престижна ревија.
Завршила економија во Москва, а дури и се сликала за „Плејбој“, за што многумина и замериле, иако таа повеќепати истакнала дека никогаш не се срамела од ништо.
Брачниот пар Лебедеви дефинитивно е нетипичен кога станува збор за финансиите што ги поседуваат. Не сакаат да се фалат со својот луксузен живот, а најмногу сакаат да одат на семејни патувања.
