Глумицата Лори Лохлин, позната по улогата на Ребека во серијата „Полна куќа“, и нејзиниот сопруг Масимо Џанули ја изгубија битката на суд.
Тие беа обвинети дека на Сингеровата фондација и платиле 500.000 долари во 2016 и 2017 година за таа да ги претставува нивните ќерки како веслачки и да ги вклучи во тимот на Универзитетот во Јужна Каролина.
Лори добила казна од два месеци затвор, а нејзиниот сопруг пет месеци. Двајцата треба да платат и парична казна од околу 150.000 долари.
На почетокот тие тврделе дека не се виновни и дека парите ги давале во добротврони цели, но неделава на судењето ја признале вината. Доколку не признаеле, нивната затворска казна би можела да биде и до 20 години.
Уште минатата година кога започна судскиот процес, Лохлин била свесна дека може да добие долгогодишна затворска казна и веќе се подготвувала за живот зад решетки.
„Лори сака да биде подготвена за секоја можна ситуација. Ангажирала стручњак за помош кој веќе ја советува и ја запознава со околностите во затворите и начините на кои може да ја преживее новонастанатата ситуација“, изјави за американските медиуми во мај минатата година извор близок на глумицата.
Во аферата на американските факултети фатена е и глумицата Фелисити Хафман, која на ист начин сакала нејзината ќерка Софија да влезе на престижниот универзитет.
.
