Конечно сме на крајот на една тешка година која единствено позитивно ќе ја паметиме по различните модни трендови. А што се однесува до 2021 година, модните експерти предвидуваат дека ќе претпочитаме да носиме еден модел на чевли што досега не бил многу популарен меѓу дамите.
Со доаѓањето на постудените денови, брзо стана јасно дека оваа есен – зима сезона ќе биде особено обележана со популарните гломазни чизми.
Многу трендсетерка успешно ги комбинираа со нивните парчиња гардероба, а по тоа некако чувствувавме дека е прашање на време кога тие обемни ѓонови ќе започнат да се прилагодуваат и во други видови на обувки. И, не требаше да чекаме долго. Класичните мокасини ја доживеаја својата зимска варијанта со популарниот дебел ѓон.
Мокасините со дебел ѓон прво го прифати модната куќа „Prada“, која го креирање и првиот пар со свој потпис на почетокот на оваа година. Чевлите веднаш го привлекоа вниманието на инфлуенсерите и трендсетерите, а потоа и другите брендови почнаа да ги воведуваат во своите колекции, пишува на веб-страницата „24sata.hr“.
Брендот „Dr. Martens“ кој соработува со брендот „Comme Des Garçons“ направи и сопствената верзија на гломазниот чевел, а сега слични модели може да се најдат во повеќето улични продавници.
Трендсетерите најмногу ги носат со фармерки и џемпери, но и со здолништа, па дури и со спортски кошули. Дебелите платформи веќе добија импресивна група фанови на Инстаграм, па се предвидува дека, како гломазните чизми и овој конкретен модел ќе бидат чевлите што најмногу ќе ги гледаме во 2021 година, на радост или жалење на многумина.
