Иако пандемијата од коронавирусот на многумина не им донесе ништо убаво, млади луѓе од централна Индија одлучија своите близнаци родени во екот на пандемијата да ги наречат Корона и Ковид.
Мајката Прети Верма (27) за „Хиндустан Тајмс“ откри дека тие имиња се одбрани за да се сеќаваат на тешките околности во кои добиле две здрави деца.
Сепак, таа додава дека можеби и ќе ја променат одлуката.
– Благословена сум со близначиња, момче и девојче, кои ги добив на 27 март. Засега ги нарековме Ковид и Корона. Ги родив во тешки околности, па јас и сопругот сакавме тој ден да остане запаметен. Кога и медицинскиот персонал почна да ги вика така, одлучивме да ги крстиме по пандемијата – порача Прети.
Прети за медиумите опиша и дека имала доста болки во моментот кога почнало породувањето, меѓутоа, за среќа, се поминало во ред, па бебињата се наоѓаат во одлична здравствена состојба.
