– Следува период на променливо облачно и студено време со сончеви периоди. Особено денес и повторно во вторник локално ќе има послаби врнежи од снег. Повремено ќе дува умерен до засилен ветер од северен правец, особено изразен долж Повардарието.
Минималните температури насекаде ќе се спуштаат под нулата и истите понекаде ќе се спуштат близу – 10 степени, додека максималните температури ќе се искачуваат во интервалот од 1 до 8 степени.
Во Скопје се очекува слично време. Повремено ќе дува умерен до засилен северен ветер. Барем отсега гледано, во текот на следната недела се очекува продор на уште постуден воздушен бран од север и уште пониски температури на воздухот.
Но дали ќе има и повеќе снег останува да видиме што ќе кажат најновите анализирања на времето. Следете нè! – вели метеопрогнозерот Славчо Попоски.
